கலைஞர்களின் படைப்பாற்றலான எதிர்காலத்திற்காக கலைஞர் நிகேதனம்

நாட்டின் கலைஞர்களின் படைப்பாற்றல் செயல்பாடுகள், ஓய்வு மற்றும் சக கலைஞர்களுடன் கருத்து பரிமாற்றம் செய்வதற்கான புதிய வாய்ப்புகளை உருவாக்கும் வகையில், மாதிவெல பகுதியில் புதிதாக அமைக்கப்படவுள்ள “கலைஞர் நிகேதனம்” வளாகத்தை பௌத்தசாசன, மத மற்றும் கலாச்சார விவகாரங்கள் அமைச்சர் டாக்டர் ஹினிதும சுனில் செனவி கடந்த (12) அன்று பார்வையிட்டார்.

மாதிவெல பகுதியில் உள்ள கலாச்சார மைய வளாகத்திற்குள் இந்த கலைஞர் நிகேதனம் அமைக்க திட்டமிடப்பட்டுள்ளது. இதன் முக்கிய நோக்கம், தூரப்பகுதிகளில் இருந்து கலைச் செயல்பாடுகளுக்காக கொழும்புக்கு வரும் கலைஞர்களுக்கு தரமான தங்கும் வசதிகளை வழங்குவதாகும்.

இந்த பார்வை சுற்றுலாவில் இலங்கை கலை மன்றத்தின் தலைவர் கீர்த்தி வெலிசரகே, பிரபல நடிகர் மகிந்த பத்திரகே, காட்சி கலை உப குழு தலைவர் பிரகீத் ரத்நாயக்க, எழுத்தாளர் கௌஷல்ய குமாரசிங்க உள்ளிட்ட பல கலைஞர்களும்,

அத்துடன் பௌத்தசாசன, மத மற்றும் கலாச்சார அமைச்சின் மேலதிக செயலாளர் (கலாச்சார மேம்பாடு மற்றும் வெளிநாட்டு விவகாரங்கள்) தம்மிகா விஜேசிங்க, இயக்குநர் (கலாச்சார மேம்பாடு) டாக்டர் பிரசாத் ரணசிங்க உள்ளிட்ட அரச அதிகாரிகளும் கலந்து கொண்டனர்.