பொருளாதார ஸ்திரத்தன்மை மற்றும் நல்லிணக்கம் குறித்து சஜித் பிரேமதாச – கனேடிய உயர்ஸ்தானிகர் சந்திப்பு

Sajith Premadasa மற்றும் இலங்கைக்கான கனேடிய உயர்ஸ்தானிகர் Isabelle Martin ஆகியோருக்கு இடையில், பொருளாதார நெகிழ்ச்சித்தன்மையை வலுப்படுத்துவது மற்றும் நாட்டில் அமைதி, நல்லிணக்கத்தை மேம்படுத்துவது தொடர்பாக முக்கிய கலந்துரையாடல் ஒன்று நடைபெற்றுள்ளது.

அண்மையில் நடைபெற்ற இந்தச் சந்திப்பில், இலங்கையின் தற்போதைய பொருளாதார நிலைமைகள் மற்றும் நாட்டை நிலைத்தன்மை நோக்கி முன்னேற்றுவதற்கான வழிமுறைகள் குறித்து இரு தரப்பினரும் விரிவாக ஆராய்ந்தனர்.

மேலும், நாட்டில் நீண்டகால அமைதியை கட்டியெழுப்புவது, சமூகங்களுக்கு இடையிலான நல்லிணக்கத்தை மேம்படுத்துவது மற்றும் அதற்கான சாதகமான சூழலை உருவாக்குவது குறித்தும் இச்சந்திப்பில் விசேட கவனம் செலுத்தப்பட்டதாக கனேடிய உயர்ஸ்தானிகர் தெரிவித்தார்.