தியாகி பொன் சிவகுமாரனின் 52ஆவது ஆண்டு நினைவேந்தல் உரும்பிராயில் அனுஷ்டிப்பு

தியாகி பொன் சிவகுமாரனின் உயிர்த் தியாகத்தின் 52ஆவது ஆண்டு நினைவேந்தல் நிகழ்வு, வலிகாமம் கிழக்கு பிரதேச சபையின் ஏற்பாட்டில் உரும்பிராயில் உள்ள அவரது திருவுருவச் சிலை வளாகத்தில் உத்தியோகபூர்வமாக நடைபெற்றது.

நிகழ்வுகள் வெள்ளிக்கிழமை (05) காலை 8.00 மணிக்கு வலிகாமம் கிழக்கு பிரதேச சபைத் தவிசாளர் Thiyagaraja Nirosh அவர்களின் தலைமையில் ஆரம்பமாகின.

முக்கிய நினைவுச் சுடரை தியாகி பொன் சிவகுமாரனின் சகோதரி Sivakumari ஏற்றி வைத்தார். அதனைத் தொடர்ந்து முக்கியஸ்தர்கள் சுடர் விளக்குகளை ஏற்றி வைத்தனர்.

தியாகி பொன் சிவகுமாரன் மற்றும் இன விடுதலைக்காக உயிர் தியாகம் செய்த போராளிகளை நினைவுகூர்ந்து அகவணக்கம் செலுத்தப்பட்டது.

அதனைத் தொடர்ந்து முன்னாள் பாராளுமன்ற உறுப்பினர் Selvarajah Kajendran, அரசியல் ஆய்வாளர் C.A. Yothilingam, சட்டத்தரணிகள் காண்டிபன் மற்றும் மணிவண்ணன், முன்னாள் மாகாண சபை உறுப்பினர் கஜதீபன், பிரதேச சபை பிரதிநிதிகள் மற்றும் முன்னாள் போராளிகள் உள்ளிட்டோர் திருவுருவச் சிலைக்கு மாலையிட்டு அஞ்சலி செலுத்தினர்.

வலிகாமம் கிழக்கு பிரதேச சபை உறுப்பினர்கள் அனைவரும், கடந்த காலங்களில் இராணுவத்தினரால் தகர்க்கப்பட்ட பின்னர் மீள நிறுவப்பட்ட சிவகுமாரனின் சிலைக்கு மலர்மாலை அணிவித்து கௌரவம் செலுத்தினர்.

அதனைத் தொடர்ந்து மலர்வணக்கம் இடம்பெற்றது. பின்னர் உறுதியுரையை பிரதேச சபைத் தவிசாளர் Thiyagaraja Nirosh ஆற்றினார்.

அவர் தனது உரையில், உள்ளூராட்சி மன்றம் வழங்கக்கூடிய உயரிய கௌரவமாக தியாகி பொன் சிவகுமாரனின் நினைவேந்தலை தமது சபை முன்னெடுத்து வருவதாகத் தெரிவித்தார்.

மேலும் சிவகுமாரனின் தியாகம், தமிழ் மாணவர் எழுச்சி மற்றும் தமிழ்த் தேசிய விடுதலைப் போராட்டத்தின் ஆரம்ப வரலாறு ஆகியவை நினைவுகூரப்பட்டன.

அஞ்சலியுரைகள் சட்டத்தரணி C.A. Yothilingam, காண்டீபன், வி. மணிவண்ணன், முன்னாள் அதிபர் அருந்தவபாலன், அரசியல் கைதிகளை விடுதலை செய்வதற்கான அமைப்பின் கோமகன், கடற்தொழில் மற்றும் காணி விடுவிப்பு அமைப்பின் முரளி, சாவகச்சேரி உப தவிசாளர் கிசோர் உள்ளிட்டோரால் வழங்கப்பட்டன.

இறுதி அஞ்சலிக் கருத்துரைகள் குடும்பத்தினர் சார்பாக தியாகி பொன் சிவகுமாரனின் சகோதரி Sivakumari அவர்களாலும், பிரதேச சபை சார்பாக உப தவிசாளர் Dharmalingam Janarthanan அவர்களாலும் வழங்கப்பட்டன.