பொதுமக்கள் பாதுகாப்பு மற்றும் பாராளுமன்ற விவகாரங்கள் தொடர்பான அமைச்சுசார் ஆலோசனைக் குழு கூடியது
பொதுமக்கள் பாதுகாப்பு மற்றும் பாராளுமன்ற விவகாரங்கள் தொடர்பான அமைச்சுசார் ஆலோசனைக் குழு, பொதுமக்கள் பாதுகாப்பு மற்றும் பாராளுமன்ற விவகாரங்கள் அமைச்சர் ஆனந்த விஜேபால அவர்களின் தலைமையில் பாராளுமன்றத்தில் கூடியது.
கூட்டத்தின் போது, பொலிஸ் சேவையுடன் தொடர்புடைய பல்வேறு முக்கிய விடயங்கள் குறித்து விரிவான கலந்துரையாடல்கள் இடம்பெற்றன. குறிப்பாக, பொலிஸ் நிலையங்களை வலுப்படுத்துதல், மாவட்ட ஒருங்கிணைப்புக் குழுக்களில் பொலிஸ் அதிகாரிகளின் பிரதிநிதித்துவத்தை அதிகரித்தல், மற்றும் கிளிநொச்சியை மையமாகக் கொண்டு நடைபெற்று வரும் சட்டவிரோத மணல் வியாபாரத்தை கட்டுப்படுத்துதல் போன்ற விடயங்கள் குறித்து பாராளுமன்ற உறுப்பினர்கள் குழுவின் கவனத்திற்குக் கொண்டு வந்தனர்.
அத்துடன், பொதுமக்களின் பாதுகாப்பை மேம்படுத்துவதற்கும், சட்டம் மற்றும் ஒழுங்கை உறுதிப்படுத்துவதற்கும் தேவையான நடவடிக்கைகள் தொடர்பாகவும் கருத்துக்கள் பரிமாறப்பட்டன.
இந்த அமைச்சுசார் ஆலோசனைக் குழுக் கூட்டத்தில் பிரதியமைச்சர்கள், பாராளுமன்ற உறுப்பினர்கள், பொலிஸ் மா அதிபர், பொதுமக்கள் பாதுகாப்பு மற்றும் பாராளுமன்ற விவகார அமைச்சின் அதிகாரிகள் உள்ளிட்ட பலர் கலந்துகொண்டனர்.
பொதுமக்களின் பாதுகாப்பை உறுதிப்படுத்துவதற்கும், பொலிஸ் சேவையின் செயற்பாட்டு திறனை மேம்படுத்துவதற்கும் தேவையான நடவடிக்கைகளை தொடர்ந்து முன்னெடுப்பதன் முக்கியத்துவம் இக்கூட்டத்தில் வலியுறுத்தப்பட்டது.
