உயிர்த்த ஞாயிறு தாக்குதல் விசாரணை: கோட்டாபய ராஜபக்‌ஷவின் ரிட் மனு விசாரணை ஒத்திவைப்பு

கொழும்பு, ஜூன் 17 – உயிர்த்த ஞாயிறு தினத் தாக்குதல்கள் தொடர்பான விசாரணைகளின் பின்னணியில், பயங்கரவாதத் தடுப்புச் சட்டத்தின் கீழ் தன்னை கைது செய்வதைத் தடுக்குமாறு கோரி முன்னாள் ஜனாதிபதி கோட்டாபய ராஜபக்‌ஷ தாக்கல் செய்த எழுத்தாணை (Writ) மனு மீதான விசாரணை ஒத்திவைக்கப்பட்டுள்ளது.

இந்த மனு இன்று (17) மேல்முறையீட்டு நீதிமன்ற நீதிபதிகள் ரொஹந்த அபேசூரிய மற்றும் பிரியந்த பெர்னாண்டோ ஆகியோர் அடங்கிய அமர்வு முன்னிலையில் விசாரணைக்கு எடுத்துக்கொள்ளப்பட்டது.

வழக்கு தொடர்பான மேலதிக பரிசீலனைகள் தேவையெனக் கருதி நீதிமன்றம் விசாரணையை ஒத்திவைத்துள்ளது.

அதன்படி, இந்த மனு நாளை (18) மீண்டும் மேல்முறையீட்டு நீதிமன்ற நீதிபதிகள் ரொஹந்த அபேசூரிய மற்றும் சரத் திஸாநாயக்க ஆகியோர் அடங்கிய அமர்வு முன்னிலையில் பரிசீலனைக்கு எடுத்துக்கொள்ளப்பட உள்ளது.