17வது தேசிய போர்வீரர் நினைவேந்தல் நிகழ்வு 19ஆம் தேதி நடைபெறும்

17வது தேசிய போர்வீரர் நினைவேந்தல் நிகழ்வு எதிர்வரும் 19ஆம் தேதி பத்தரமுல்லையில் அமைந்துள்ள போர்வீரர் நினைவுத் தூபியில் நடைபெறவுள்ளது.

இந்த நிகழ்வு ஜனாதிபதியின் தலைமையில் நடைபெறவுள்ளதாக அறிவிக்கப்பட்டுள்ளது.

நாட்டிற்காக உயிர்தியாகம் செய்த பாதுகாப்பு படையினரை நினைவுகூரும் வகையில் இந்த தேசிய நிகழ்வு ஆண்டுதோறும் நடத்தப்பட்டு வருகின்றது. இதில் பாதுகாப்பு படையினர், அரச அதிகாரிகள், அரசியல் தலைவர்கள் மற்றும் பொதுமக்கள் உள்ளிட்ட பலர் பங்கேற்கவுள்ளனர்.

நிகழ்வின் போது மலரஞ்சலி செலுத்துதல், இராணுவ மரியாதைகள் மற்றும் நினைவு உரைகள் உள்ளிட்ட பல நிகழ்ச்சிகள் இடம்பெறவுள்ளதாக தெரிவிக்கப்பட்டுள்ளது.