சன்ரைசர்ஸ் ஹைதராபாத் அபார வெற்றி; பெங்களூருவுக்கு 55 ஓட்டத் தோல்வி

Sunrisers Hyderabad அணி, ஹைதாராபாத் உப்பல் Rajiv Gandhi International Cricket Stadium மைதானத்தில் வெள்ளிக்கிழமை நடைபெற்ற Indian Premier League போட்டியில் நடப்பு சம்பியன் Royal Challengers Bengaluru அணியை 55 ஓட்டங்களால் வீழ்த்தி அபார வெற்றியைப் பதிவு செய்தது.

இதன் மூலம் சன்ரைசர்ஸ் ஹைதராபாத் அணி லீக் சுற்றை வெற்றியுடன் நிறைவு செய்ததுடன், பெங்களூரு அணிக்கு கடைசி லீக் போட்டியில் ஏமாற்றத்தை ஏற்படுத்தியது.

எனினும், அணிகள் புள்ளிப்பட்டியலில் Royal Challengers Bengaluru அணி 18 புள்ளிகளுடன் முதலிடத்தைத் தக்கவைத்துக்கொண்டது. அதேவேளை Gujarat Titans மற்றும் Sunrisers Hyderabad அணிகளும் 18 புள்ளிகளைப் பெற்றிருந்தாலும், நிகர ஓட்ட வேக வித்தியாசத்தின் அடிப்படையில் முறையே 2 மற்றும் 3ஆம் இடங்களில் உள்ளன.

இதன்படி, பிளே-ஆஃப் சுற்றின் முதல் தகுதிகாண் போட்டியில் பெங்களூரு அணியும் குஜராத் டைட்டன்ஸ் அணியும் எதிர்வரும் செவ்வாய்க்கிழமை மோதவுள்ளன.

அபிஷேக் – இஷான் – க்ளாசன் அதிரடி

முதலில் துடுப்பெடுத்தாடிய சன்ரைசர்ஸ் ஹைதராபாத் 20 ஓவர்களில் 4 விக்கெட்களை இழந்து 255 ஓட்டங்களைப் பெற்றது.

Travis Head (26) மற்றும் Abhishek Sharma ஆகியோர் ஆரம்ப விக்கெட்டில் 45 ஓட்டங்களைச் சேர்த்தனர்.

பின்னர் அபிஷேக் ஷர்மா மற்றும் Ishan Kishan இருவரும் இரண்டாவது விக்கெட்டில் 52 ஓட்டங்களைப் பகிர்ந்தனர். அபிஷேக் ஷர்மா 56 ஓட்டங்களைப் பெற்றார்.

அதன் பின்னர் இஷான் கிஷான் மற்றும் Heinrich Klaasen இணைந்து மூன்றாவது விக்கெட்டில் 48 பந்துகளில் 113 ஓட்டங்களை குவித்து அணியை வலுவான நிலைக்கு கொண்டு சென்றனர்.

இஷான் கிஷான் 8 பவுண்டரிகள் மற்றும் 3 சிக்ஸர்களுடன் 79 ஓட்டங்களைப் பெற்றார். ஹென்றிச் க்ளாசன் 51 ஓட்டங்களைப் பதிவு செய்தார். Nitish Kumar Reddy 29 ஓட்டங்களுடன் ஆட்டமிழக்காமல் இருந்தார்.

பந்துவீச்சில் Rasikh Salam 2 விக்கெட்களை கைப்பற்றினார்.

கோஹ்லியின் சாதனை; ஆனால் பெங்களூரு தோல்வி

256 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய Royal Challengers Bengaluru அணி 20 ஓவர்களில் 4 விக்கெட்களை இழந்து 200 ஓட்டங்களையே பெற்றது.

இந்தப் போட்டி Virat Kohliக்கு வரலாற்றுச் சாதனையாக அமைந்தது. தனது 281ஆவது ஐபிஎல் போட்டியில் விளையாடிய அவர், Rohit Sharmaவின் 280 போட்டிகள் சாதனையை முறியடித்து, ஐபிஎல் வரலாற்றில் அதிக போட்டிகளில் விளையாடிய வீரராக மாறினார்.

ஆனால் துடுப்பாட்டத்தில் கோஹ்லி 15 ஓட்டங்களையே பெற்றார்.

Venkatesh Iyer (44) மற்றும் கோஹ்லி இணைந்து 60 ஓட்டங்களை ஆரம்பத்தில் சேர்த்தபோதிலும், இருவரும் விரைவில் ஆட்டமிழந்ததால் அணியின் வெற்றி வாய்ப்பு குறைந்தது.

Devdutt Padikkal 21 ஓட்டங்களைப் பெற்றார்.

அணித்தலைவர் Rajat Patidar 56 ஓட்டங்களையும் Krunal Pandya ஆட்டமிழக்காமல் 41 ஓட்டங்களையும் பெற்றனர். இருவரும் நான்காவது விக்கெட்டில் 84 ஓட்டங்களைப் பகிர்ந்தாலும், தேவையான ஓட்ட வேகத்தை எட்ட முடியவில்லை.

Tim David 15 ஓட்டங்களுடன் ஆட்டமிழக்காமல் இருந்தார்.

பந்துவீச்சில் Eshan Malinga 33 ஓட்டங்களுக்கு 2 விக்கெட்களை கைப்பற்றி சிறப்பாக செயல்பட்டார்.

ஆட்டநாயகன்

Ishan Kishan ஆட்டநாயகனாகத் தேர்வு செய்யப்பட்டார்.