இறக்காமம் சிறுமி துஷ்பிரயோக வழக்கு: கைது செய்யப்பட்ட நபர் மெளலவி அல்ல – அகில இலங்கை ஜம்இய்யதுல் உலமா சபை விளக்கம்
இறக்காமம் பகுதியில் 14 வயது சிறுமி ஒருவர் பாலியல் துஷ்பிரயோகத்திற்கு உட்படுத்தப்பட்டதாகக் கூறப்படும் சம்பவத்தில் கைது செய்யப்பட்டுள்ள சந்தேக நபர் மெளலவி அல்ல என அகில இலங்கை ஜம்இய்யதுல் உலமா சபை தெரிவித்துள்ளது.
இது தொடர்பாக வெளியிடப்பட்டுள்ள அறிக்கையில், சமூக ஊடகங்கள் மற்றும் சில ஊடகங்களில் குறித்த நபர் “மெளலவி” என குறிப்பிடப்பட்டு வரும் தகவல்கள் தவறானவை என சபை சுட்டிக்காட்டியுள்ளது.
அறிக்கையின்படி,
- குறித்த சந்தேக நபர் எந்தவொரு அங்கீகரிக்கப்பட்ட அரபுக் கல்லூரியிலும் பட்டம் பெற்ற மெளலவி அல்ல.
- அவர் அகில இலங்கை ஜம்இய்யதுல் உலமா சபையின் உறுப்பினரும் அல்ல.
- மேலும், இறக்காமம் கிளை ஜம்இய்யதுல் உலமா சபையின் உறுப்பினராகவும் இல்லை.
எனவே, அவரை “மெளலவி” என அடையாளப்படுத்தி செய்திகள் வெளியிடப்படுவது உண்மைக்குப் புறம்பானது என சபை தெரிவித்துள்ளது.
பொதுமக்கள் சரியான தகவல்களைப் பெற்றுக்கொள்வதை உறுதிப்படுத்தும் நோக்கில் இந்த விளக்கத்தை வெளியிடுவதாகவும் அகில இலங்கை ஜம்இய்யதுல் உலமா சபை குறிப்பிட்டுள்ளது.
இந்நிலையில், 14 வயது சிறுமி தொடர்பான குற்றச்சாட்டு குறித்து பொலிஸார் மேலதிக விசாரணைகளை மேற்கொண்டு வருகின்றனர்.
