மாகாண சபைத் தேர்தலைத் தவிர்ந்த தேர்தல் முறைகள் மீளாய்வு – 10 பேர் கொண்ட விசேட செயற்குழு நியமனம்

மாகாண சபைத் தேர்தல் முறைமையைத் தவிர்த்து, நாட்டில் நடைமுறையில் உள்ள பிற தேர்தல் முறைகளை மீளாய்வு செய்யும் நோக்கில் 10 பேர் கொண்ட பாராளுமன்ற விசேட செயற்குழு நியமிக்கப்பட்டுள்ளது.

இந்த செயற்குழுவின் தலைவராக ஏ. ஹெச். அபேரத்ன நியமிக்கப்பட்டுள்ளார்.

நாட்டில் தற்போது அமலில் உள்ள தேர்தல் முறைமைகளில் காணப்படும் சவால்கள், குறைகள் மற்றும் நடைமுறை சிக்கல்களை ஆய்வு செய்து, தேர்தல் செயல்முறைகளை மேலும் திறம்படவும், வெளிப்படையானதாகவும், நியாயமானதாகவும் மாற்றுவது இந்தக் குழுவின் பிரதான நோக்கமாகும்.

இதற்காக, சம்பந்தப்பட்ட அனைத்து தரப்பினரிடமிருந்தும் கருத்துகள் பெறப்பட்டு, தேர்தல் முறைமைகளில் மேற்கொள்ள வேண்டிய சீர்திருத்தங்கள் குறித்து விரிவான பரிந்துரைகளுடன் கூடிய அறிக்கையை தயாரித்து, பின்னர் பாராளுமன்றத்திற்கு சமர்ப்பிக்க இந்த செயற்குழு நடவடிக்கை எடுக்க உள்ளது.