ருதுராஜ் தலைமை வளர்ச்சிக்காகத் திட்டமிட்டு ஒதுங்கிய தோனி – நிபுணர்கள் விளக்கம்

MS Dhoni மைதானத்தில் இல்லாதது குறித்து Chennai Super Kings ரசிகர்கள் கவலை தெரிவித்துவரும் நிலையில், இது காயம் மட்டுமல்லாது திட்டமிட்ட தலைமை மாற்ற முயற்சி என புதிய தகவல்கள் வெளியாகியுள்ளன.

தோனி தசை காயம் காரணமாக விளையாடவில்லை என முதலில் கூறப்பட்டாலும், நியூசிலாந்து முன்னாள் வீரர் Simon Doull இதன் பின்னணியில் உள்ள முக்கிய காரணத்தை வெளிப்படுத்தியுள்ளார். அவர் கூறுகையில், புதிய கேப்டன் Ruturaj Gaikwad தனது தனிப்பட்ட தலைமை திறமையை வெளிப்படுத்துவதற்காகவே தோனி மைதானத்திலிருந்து விலகியிருக்கிறார்.

தோனி மைதானத்தில் இருந்தால், ரசிகர்கள் முதல் ஊடகங்கள் வரை அனைவரின் கவனமும் அவர்மீது திரும்பும். இது ருதுராஜின் அதிகாரத்தையும் முடிவெடுக்கும் திறனையும் பாதிக்கும் என்பதால், அவர் திட்டமிட்டு ஒதுங்கியுள்ளதாக தெரிவிக்கப்பட்டுள்ளது.

இந்தக் கருத்தை இந்திய முன்னாள் வீரர் Zaheer Khanவும் ஆதரித்துள்ளார். தோனி வெளியிலிருந்து ஆலோசனைகளை வழங்கினாலும், மைதானத்தில் முழுப் பொறுப்பும் ருதுராஜுக்கே இருப்பதை உலகிற்கு காட்டுவதே இதன் நோக்கமாகக் கருதப்படுகிறது.

மேலும், Mumbai Indians அணியின் நிலையை எடுத்துக்காட்டிய சைமன் டவுல், Hardik Pandya தலைமையில் பல முன்னணி வீரர்கள் உள்ளதால் தலைமை சவால் அதிகமாக உள்ளதாகக் குறிப்பிட்டுள்ளார்.

இதனால், சென்னை அணி மிகவும் நிதானமாகவும் திட்டமிட்டும் தலைமை மாற்றத்தை முன்னெடுத்து வருவதாக நிபுணர்கள் கருதுகின்றனர். ரசிகர்கள் தோனியை மைதானத்தில் காண ஏங்கினாலும், அணியின் எதிர்கால நலனை கருத்தில் கொண்டு அவர் எடுத்துள்ள இந்த முடிவு முக்கியமானதாக மதிக்கப்படுகிறது.