ஹார்முஸ் கடற்பரப்பில் பதற்றம் தீவிரம் – உலக எரிசக்தி சந்தைக்கு அதிர்ச்சி

உலகின் முக்கியமான எரிசக்தி வர்த்தகப் பாதையாகக் கருதப்படும் Strait of Hormuz பகுதியில் புதிய விதிகளை அமுல்படுத்துவதாக Iran அறிவித்துள்ளது.

ஈரான் புரட்சிகர காவல் படையின் (IRGC) கடற்படை, “ஈரான் கடற்கரை சுமார் 2,000 கிலோமீட்டர் பரப்பில் முழுமையான கட்டுப்பாட்டை நிலைநிறுத்தி, அந்த நீர்வழியை பிராந்திய மக்களுக்கு பாதுகாப்பும் வளமும் வழங்கும் பகுதியாக மாற்றுவோம்” என தெரிவித்துள்ளது.

அமெரிக்கா–ஈரான் பதற்றம் அதிகரிப்பு

United States கடற்படை முற்றுகை தொடரும் என அமெரிக்க நிதி செயலாளர் Scott Bessent அறிவித்ததைத் தொடர்ந்து, ஈரான் இந்த நடவடிக்கையை எடுத்துள்ளது.

தற்போது, ஹார்முஸ் வழியாக செல்லும் சில கப்பல்கள் ஈரானின் வேகப்படகுகள் மூலம் தடுக்கப்பட்டு, அதிகபட்சம் 2 மில்லியன் அமெரிக்க டொலர் வரை கட்டணம் செலுத்தி தான் பாதுகாப்பாக கடந்து செல்ல முடிகிறது என தகவல்கள் தெரிவிக்கின்றன.

மேலும், இந்த கட்டணத்தை Oman உடன் பகிர்ந்து கொள்ள வேண்டும் என்றும், ஹார்முஸ் கடற்பரப்பு ஈரான்–ஓமன் எல்லைக்குள் உள்ளது என்றும் ஈரான் வலியுறுத்தியுள்ளது.

ட்ரம்ப் கடும் எச்சரிக்கை

இதற்கு பதிலாக, அமெரிக்க ஜனாதிபதி Donald Trump, சட்டவிரோதமாக கட்டணம் வசூலிக்கும் நடவடிக்கைகளைத் தடுக்க கடுமையான உத்தரவை வெளியிட்டுள்ளார்.

கட்டணம் வசூலிக்க முயலும் ஈரானிய படகுகள் மீது கடற்படை நடவடிக்கை எடுக்கப்படும் எனவும், “Shoot and Kill” என்ற கடுமையான நிலைப்பாட்டையும் அவர் வெளிப்படுத்தியுள்ளார்.

எண்ணெய் விலை உயர்வு

இந்த பதற்ற நிலை காரணமாக உலகளாவிய எரிசக்தி சந்தையில் அதிர்வு ஏற்பட்டுள்ளது. Brent Crude எண்ணெய் விலை பீப்பாய்க்கு 122 அமெரிக்க டொலர் வரை உயர்ந்துள்ளது.

உலகளாவிய தாக்கம்

ஹார்முஸ் கடற்பரப்பு உலக எண்ணெய் போக்குவரத்தின் முக்கிய வாயிலாக இருப்பதால், இங்கு உருவாகும் எந்த பதற்றமும் உலகளாவிய பொருளாதாரத்தையும் நேரடியாக பாதிக்கும்.

ஈரான்–அமெரிக்கா இடையேயான இந்த கடற்படை மோதல், உலக எரிசக்தி பாதுகாப்புக்கு மிகப்பெரிய சவாலாக மாறியுள்ளதாக நிபுணர்கள் எச்சரிக்கின்றனர்.